Buena manong nagpatupad ng bawas – presyo sa mga produktong petrolyo ang kumpanyang Phoenix Petroleum Philippines.
Kasunod ito ng anunsyong muling maglalarga ng rollback ang mga oil companies na ikatlong beses na nitong nakalipas na tatlong linggo.
Epektibo 6:00 ng umaga ngayong Lunes, nagpatupad ang Phoenix ng sampung (10) sentimong tapyas presyo sa kada litro ng diesel habang pitumpung (70) sentimo naman ang ibinawas sa presyo ng kada litro ng gasolina.
Inaasahang magpapatupad ang iba pang oil players ang rollback bukas, araw ng Martes.
By Rianne Briones
