Natagpuan ng isang sibilyan ang limang improvised explosive devices (IED) sa Lingig sa Surigao Del Sur.
Ayon sa pamunuan ng Philippine Army, agad silang nagpadala ng tauhan para siyasatin ang mga nadiskubreng mga IED’s na aabot sa isang kilo ang bigat kada isa.
Sa imbestigasyon ng mga awtoridad, lumalabas na pagmamay-ari ng npa ang naturang IED’s na malinaw na paglabag sa comprehensive agreements on respect for human rights and international humanitarian law.
Pero giit ng mga awtoridad, ang pagkakadiskubre sa mga IED’s ay sinyales lamang na unti-unti nang humihina ang kakayanan ng rebeldeng grupo.
