Tuloy pa rin ang pagtatrabaho ng Independent Commission for Infrastructure sa pag-iimbestiga sa mga infrastructure projects ng pamahalaan, kahit na unti-unting nalalagas ang miyembro nito.
Ayon kay Palace Press Officer Undersecretary Claire Castro, hindi titigil ang komisyon, kahit na si Chairperson Andres Reyes na lang ang natitirang miyembro ng komisyon.
Paliwanag ni Usec. Castro, maaari pa ring alalayan si Chairman Reyes ng iba pang mataas na opisyal ng I.C.I., gaya ng Executive Director na si Atty. Brian Keith Hosaka.
Sa ngayon, wala pa anyang impormasyon kung mayroon nang napili si Pangulong Ferdinand Marcos Jr. bilang kapalit ng mga nagbitiw na I.C.I. members, na sina dating Public Works Sec. Rogelio Singson at Rosanna Fajardo.
