Aabot sa 200 piraso ng ecstacy at iba’t-ibang produkto mula sa marijuana ang nasabat ng Philippine Drug Enforcement Agency (PDEA).
Ito’y sa ikinasa nilang operasyon sa bahay ng isang Swiss national sa isang ekslusibong subdivision sa BF Homes, Parañaque City kahapon.
Arestado ang sinasabing may-ari ng bahay na nakilalang si Thomas Fritz Stucki gayundin ang isang Chickena Magbojos.
Kabilang sa mga nakumpiskang produkto mula sa marijuana ay nasa 1,000 piraso ng kush, dried maijuana, marijuana oil at mga hinihinalang cocaine gayundin ang dalawang baril.
Kasalukuyan pang inaalam ng PDEA ang tinatayang halaga ng mga nakumpiska nilang iligal na droga.
