Patay ang isang huwes at sugatan ang asawa nito matapos pagbabarilin sa loob ng kanilang sasakyan at papalabas na sana ng kanilang bahay sa Butuan City.
Ayon sa mga otoridad, sakay ng kanilang Mitsubishi Montero si Presiding Judge Godofredo Abul, Jr. at may bahay nitong si Bernaditha nang pagbabarilin ng hindi pa kilalang mga suspek na kaagad tumakas matapos ang insidente.
Ino-operahan naman sa Butuan Medical Center si Ginang Abul.
Iniimbestigahan pa ng mga otoridad ang insidente partikular ang motibo sa pag-ambush sa hukom.
Sinabi ng mga kasamahan ng mag-asawa sa Free Methodist Church kung saan pastor din ang hukom na pawang mabubuting tao ang mag-asawa kaya’t wala silang maisip na dahilan para paslangin ang mga ito.
