Kukwestyunin ni Senator Ronaldo Bato Dela Rosa ang hurisdiksyon ng Senado sa impeachment case ni Vice President Sara Duterte sa pagbubukas ng sesyon sa 20th Congress.
Ito, ayon kay Senador Dela Rosa, ay dahil bago na ang komposisyon ng Senado sa 20th Congress kaya’t mahalaga na malaman kung sa tingin ng ibang mga senador ay may hurisdiksyon pa ang mga ito para magsagawa ng paglilitis sa impeachment case laban kay V.P. Sara na naihain sa 19th Congress.
Naniniwala ang mambabatas na wala nang hurisdiksyon ang Senado sa 20th Congress ngunit kung mayorya aniya ng mga senador ay nagsabing maaaring tumawid sa 20th Congress ang impeachment case ay susunod siya.
