Iniharap na ng prosecution team ang huling testigo laban sa kasong plunder ni dating Senador Bong Revilla sa 1st Division ng Sandiganbayan.
Isinalang sa witness stand ang compliance officer ng Philamlife Insurance na si Ginang Imelda Furtugalesa.
Batay sa salaysay ni Furtugalesa sa Korte, apat na insurance policy ang binayaran ng dating senador.
Hinihinala ng prosekusyon na dito dinala ni Revilla ang kaniyang mga kickback mula sa pork barrel.
Matatandaang si Revilla na lamang ang natitirang senador na akusado sa PDAF o Priority Development Assistance Fund scam ang nakakulong matapos makalaya ang mga kapwa akusado na sina Senador Juan Ponce Enrile at Senador Jinggoy Estrada.
