Dalawa katao ang patay sa mahigit apat na oras na hostage taking sa isang Mall sa Dasmariñas, Cavite
Ayon kay dating Cavite Governor Jonvic Remulla siyam ang nakatakas sa labing dalawa kataong hinostage ng suspek na si Calors Marcos Lacdao, tatlumput dalawang taong gulang
Nakapagpuslit aniya si Lacdao ng kutsilyo at hinostage ang labing dalawa katao sa loob ng isang comfort room sa ground floor ng mall
Ipinabatid ni Remulla na hinahanap ni Lacdao ang kaniyang asawa at lover umano nito habang nagmumura at sumisigaw at nakasuot ng shades at naka backpack
Hindi naman kabilang sa mga hinostage ni Lacdao ang asawa nitong janitress sa naturang mall
Sinabi ni Remulla na sa tatlong naiwan isa ang napatay matapos pagsasaksakin ng suspek sa kili kilo na tuluy tuloy hanggang sa puso at isa naman ay sinaksak nito sa likod
Pinaputukan ng mga otoridad ang suspek na tinutukan pa rin ng kutsilyo ang babaeng hostage nito na nakilalang si Myleen Balajadia
Samantala inihayag ni Cora Guidote, SM Senior Vice President for investor relations na ang hostage taking ay nagsimula bilang domestic problema na nadala sa mall
By: Judith Larino
