Namatay na ang suspek sa hostage-taking na nangyari sa Dasmariñas City, Cavite kahapon matapos itong mabaril ng mga pulis.
Sinabi ni Superintendent Rodolfo Hernandez, ang city police chief na ang namatay na suspek ay kinilalang si Peter Adricula, 33 years old ng Trece Martirez City sa pareho ring lalawigan.
Sapilitan aniya itong pumasok sa residential compound kung saan naroon ang apartment ng kanyang mga biktima kahapon ng alas-2:00 ng hapon na kinilalang sina Marian Tarazona, 20 years old at mga pamangkin nitong sina Janielsa, 8 taong gulang at Jeremiah, 1 taong gulang.
Dahil sa negosasyon habang nangyayari ang hostage taking kaya nailabas nang ligtas si Jeremiah.
Sa imbestigasyon, natukoy na wala sa katinuan ang suspek.
Samantala, ayon sa report ng mga pulis, ligtas na rin sa kapahamakan ang mga biktima na pinagsasaksak ng naturang suspek.
By Allan Francisco
