Tiniyak ng Department of Agriculture sa publiko na sapat na supply ng baboy para sa Christmas season sa kabila ng temporary ban sa karneng baboy mula Espanya kasunod ng kumpirmadong outbreak ng African swine fever sa nasabing bansa.
Ayon kay Agriculture Secretary Francisco Tiu Laurel Junior, hindi magpapataas sa presyo o makaaapekto sa supply ng karneng baboy ang import freeze, dahil sobra-sobra anya ang iniulat na volume ng pork sa mga cold storage facilities ng bansa, na makakatulong sa pagtaas ng demand sa naturang karne habang papalapit ang Pasko.
Matatandaang kinumpirma ng Espanya sa World Organization for Animal Health na naka-detect ito ng mga baboy-ramo na may ASF malapit sa lungsod ng Barcelona.
—sa panulat ni Anjo Riñon
