Patay ang isang hinihinalang miyembro ng Bangsamoro Islamic Freedom Fighters (BIFF) sa nanganap na engkwentro sa pagitan ng grupo at puwersa ng pamahalaan sa Datu Hoffer Maguindanao.
Kinilala ang nasawing miyembro ng BIFF na si Nasser Kandao.
Ayon sa Western Mindanao Command (WestMinCom), nagsasagawa ng checkpoint operations ang tropa ng Limpongo Patrol Base nang kanilang maka-engkuwentro ang nasa 10 miyembro ng BIFF.
Tumagal anila ng 45-minuto ang bakbakan na nagresulta sa pagkamatay ng naturang BIFF member at ikinasugat naman ng isang miyembro ng Civilian Armed Auxiliary (CAA).
Samantala, narekober sa lugar ng engkuwentro ang isang M16 rifle, isang motosiklo at dalawang magazine.
