Halos isandaan pitumpung (170) truck o mahigit 1,000 toneladang basura na ang nahakot ng Metropolitan Manila Development Authority (MMDA) sa dalawampu’t tatlong (23) sementeryo sa Metro Manila.
Kumpara ito sa 302 truck ng basurang nakolekto sa kaparehong panahon noong isang taon.
Gayunman, inihayag ni MMDA Metro Parkway Clearing Group Head Francis Martinez na inaasahang madargdagan pa ang mga nakokolekta nilang basura lalo’t hanggang Sabado pa ang kanilang paglilinis.
Pinakamarami anyang basura ang nakolekta sa Manila North Cemetery na 38 truck; Manila South Cemetery, 28 at La Loma Public Cemetery, 18 truck gn basura.
By Drew Nacino
