Nakapagtala ng mahigit 100 bagong coronavirus infections ang Thailand.
Sinasabing natunton ang pinakamaraming kaso sa probinsya ng Samut Sakhon na siyang napuruhan ng outbreak.
Ayon sa COVID-19 task force ng Thailand, sa mga bagong impeksiyon, 30 rito ay pawang mga migrant workers habang itinuturing naman na imported cases ang 16 na iba pa.
Mayroon nang 6,020 na kumpirmadong kaso sa Thailand habang 60 naman ang nasawi.
