Binalaan ng bansang Canada ang kanilang mamamayan kaugnay sa bagong batas sa Hongkong.
Sa nasabing batas binibigyan ng kapangyarihan ang Immigration Chief na huwag pasakayin sa mga eroplano mula at galing sa nasabing lugar.
Ihinayag ito ng bansa sa kanilang advisory at sinabing pati ang mga foreigner ay maari nang hindi makaalis sa nasabing teritoryo.
Ayon pa sa kanila malalaman mo lang ang nasabing bagong kautusan kung susubukan mong lumabas ng Hongkong.
Ang nasabing exit bans ay ginagamit lang ng Mainland China laban sa mga nagpoprotesta sa pamahalaan.
Ayon naman sa hongkong government, ang nasabing batas ay hindi para sa mga taong aalis ng kanilang lugar kundi para makontrol ang mga illegal imigrants.—sa panulat ni Rex Espiritu
