Mahigpit na ipatutupad ang mga health protocol sa gagawing paggunita ng ika-35 anibersaryo ng EDSA people power sa Pebrero 25, araw ng Huwebes.
Ito ang tiniyak ng National Capital Region Police Office (NCRPO) Chief Maj. Gen. Vicente Danao Jr., sa inaasahang mangyayaring pagtitipon.
Nakalatag na rin aniya ang planong pang-seguridad kasabay ng pagtatalaga ng security control points.
Kasama rin umanong babantayan ang mga pampublikong lugar gaya ng mga public transport terminals, simbahan, mall at palengke.
