Handa si Presidential Spokesman Harry Roque na personal na mag – reklamo sa pamunuan ng MRT.
Ngunit, aniya, bago ito gawin ay nais niyang maranasan ang sumakay sa MRT – 3 at maramdaman ang kalbaryong dinaranas ng libo – libong mga commuter.
Ayon kay Roque, ibabatay niya ang reklamo sa MRT sa kanyang magiging karanasan kaugnay ng pagsakay niya bilang commuter.
Magsisilbi na din aniyang paraan ito upang makuha ang pulso ng mga mananakay na araw – araw na sinusuong ang pakikipag – siksikan, balyahan at mahabang pila makasakay lang ng tren.
9:30 ng umaga bukas inaasahang gagawin ni Roque ang tila “extra challenge” pero hindi pa batid kung saang MRT station sasakay ang Palace official.
