Hindi kakagatin ng Malakanyang ang hamon ni Communist Party of the Philippines (CPP) Founding Chairman Jose Maria Sison kay Pangulong Rodrigo Duterte upang ito’y maglabas ng kanyang medical records.
Sinabi ni Presidential Spokesman Ernesto Abella na kitang–kita naman ng publiko kung gaano kaayos ang kalusugan ng Pangulo.
Matatandaang bago at noong mismong SONA o State of the Nation Address ng Pangulo, walang tigil ang mga aktibidad nito na kung saan, matapos ang higit dalawang oras na pag-uulat sa bayan, ay hinarap pa ang mga raliyista at pagkatapos nito ay nagpatawag pa ng press conference.
Ginawa ng lider ng komunistang grupo ang hamon matapos na pabulaanan ang pahayag ni Pangulong Duterte na siya’y may colon cancer.
- Meann Tanbio
