Walang naitalang nasawi sa pananalasa ng Bagyong Paeng sa North Cotabato ngunit nag-iwan naman ito ng pinsala sa agrikultura na tinatayang umabot sa 53 million pesos.
Sa situational report no. 6 ng Provincial Disaster Risk Reduction and Management Office hanggang nitong October 29, naapektuhan ng bagyo ang 1,886 na magsasaka mula sa mga bayan ng Pigcawayan, Libungan at Midsayap.
Kaagad naman na nagpaabot ng tulong ang pamahalaang panlalawigan sa mga naapektuhan ng bagyo.
Ilang mga tanggapan naman ang nagpahayag ng kahandaan na tumulong sa mga biktima ng kalamidad na siyang pinasalamatan ni Gov. Emmylou Taliño-Mendoza.
