Halos 500 katao na ang na-ospital dahil sa heat wave sa ilang rehiyon sa Japan.
Ayon sa Fire and Disaster Management Agency, karamihan sa mga naratay sa ospital ay mga residente ng Tokyo at Kyoto, gayundin sa Saitama, Aichi, Fukushima at Fukuoka Prefectures.
Pinangangambahang papalo sa higit 30 degrees celsius [86 fahrenheit] ang temperatura sa ilang rehiyon.
Dahil dito, pinayuhan ng mga otoridad ang mga mamamayan na iwasang lumabas ng bahay lalo na kapag tirik na tirik ang araw.
By Jelbert Perdez
