Halos 50 na ang nasawi sa malawakang pagbaha bunsod ng malakas na pag-ulan sa Western Germany at ilang bahagi ng Western Europe.
Bukod sa Germany, na pinaka-matinding naapektuhan,nalubog din sa baha ang luxembourg, netherlands at belgium, kung saan 4 naman ang nasawi.
Ikinagulat ni German Chancellor Angela Merkel ang sinapit ng mga apektadong lugar partikular ang daan-daang libong residente sa North Rhine-Westphalia at Rhineland-Palatinate States.
Pinasalamatan naman ni Merkell ang mga volunteer at emergency service workers sa walang humpay na pagsaklolo sa mga biktima ng kalamidad.
Samantala, mahigit isandaan limampung libong kabahayan sa mga nasabing lugar ang wala pa ring kuryente. —sa panulat ni Drew Nacino
