Halos 4K Overseas Filipino Workers na patungong Hong Kong ang apektado ang biyahe dahil sa pagtaas ng COVID-19 cases bunsod ng Omicron variant sa nabanggit na chinese territory.
Bagaman inihayag ng Hongkong government na papayagan na nilang makapasok ang mga OFW., binawi ito dahil sa pagsipa ng mga kaso ng COVID-19.
Ayon kay Dolly Uanang, pangulo ng Society of Hong Kong Accredited Recruiters of the Philippines, mayroon ng exit pass na prinoseso Ang Philippine Overseas Employment Administration at naka-book na ang quarantine rooms.
Gayunman, nagsimula na anyang mag-expire ang visa ng ilang OFW.
Tinatayang 200K Pinoy ang kasalukuyang nasa hong kong at wala pang tinatamaan ng Omicron.