Asahan nang lalo pang lalakas ang kakayahan ng pambansang pulisya na mag-imbestiga at mag-usig ng mga kriminal.
Ito’y makaraang magtapos na sa kanilang pagsasanay ang dalawnadaan at siyamnapu’t anim na miyembro ng “kasaligan class CIDG 19-03” ng Criminal Investigation and Detection Group o CIDG.
Pinangunahan ni National Capital Region Police Office (NCRPO) Director P/Bgen. Vicente Danao Jr ang graduation ceremony sa hinirang hall sa Camp Bagong Diwa sa Taguig City.
Sa kaniyang mensahe, sinabi ni Danao na tiwala siyang malaki ang maitutulong ng mga bagong nagsipagtapos na elite force ng CIDG upang mapahusay pa ang paghawak nila sa mga kaso.
Hindi aniya madaling trabaho ng CIDG kaya’t dapat lamang na tanging ang mga mayroong sapat na kaalaman na mga pulis ang dapat na mapabilang dito.
