Magsasagawa ng online job fair ang Department of Labor and Employment (DOLE) ngayong linggo mula Disyembre 10-11, 2020 kung saan halos 21k na trabaho ang alok nito para sa mga manggagawang naghahanap ng trabaho sa ibang bansa man o sa Pilipinas.
Karamihan sa mga hinahanap ay factory workers, nurses, nursing aides, care workers, engineers, CAD operators, telecommunications rigging technicians, maintenance technicians, carpenters, foremen, laborers, at building cleaning workers.
May mga bakanteng posisyon din para sa mga supervisors, physical fitness coaches, cake decorators, cooks, food servers, restaurant workers, waiters, waitresses, counter service staff, at service staff.
Tinatayang aabot sa 600 domestic company ang kasama sa naturang job fair at 15 lisensyadong recruitment agencies na konektado sa mga bansang gaya ng Bahrain, the Falkland Islands, Germany, Ghana, Ivory Coast, Japan, Jordan, Kingdom of Saudi Arabia, Lebanon, Micronesia, Myanmar, New Zealand, Palau, Qatar, Singapore, Taiwan, at Turks and Caicos.
Tinawag ng DOLE ang programang ito na Balik-trabaho e-jobs and job fair upang magbigay oportunidad sa mga manggagawang walang trabaho o nabakante ngayong pandemya.—sa panulat ni Agustina Nolasco
