Halos sampung libong (10,000) sako ng bigas ang naipamahagi na ng NFA o National Food Authority sa mga ahensya para sa mga biktima ng kaguluhan sa Marawi City.
Ayon sa NFA, mula Hunyo 23 hanggang 28 ay nakapagbigay na sila ng anim na libong (6,000) sako ng bigas sa DSWD o Department of Social Welfare and Development at dalawang libo at isandaang (2,100) sako sa local government ng Lanao del Norte.
Pitong daan at limampung (750) sako naman ang binili sa NFA ng Office of the Vice President at tanggapan ng mga mambabatas.
Kasabay nito, tiniyak ni NFA Administrator Laureano Aquino sa mga residente ng Mindanao na may sapat silang stock ng bigas sa rehiyon at handa silang tumulong kung kinakailangan.
By Judith Estrada – Larino