Pumapalo na sa P2-million ang halaga ng napinsalang pananim sa Kabakan, Cotabato dahil sa naranasang pagbaha doon.
Ayon kay Municipal Disaster Risk Reduction and Management Officer (MDRRMO) David Don Saure, ekta-ektaryang tanim na palay gayundin ang mga pananim na gulay ang napinsala na dapat sanay aanihin na sa susunod na linggo.
Sa pagtaya ng MDRRMO, umabot sa 600-ektarya ng pananim ang napinsala mula sa pagbahang naranasan sa mga barangay ng Bangilan, Malanduage, Cuyapon, Upper Paatan, Poblacion, Katidtuan, Dagupan, Salapungan, Malamote, Pedtad at Sangadong.
Limandaang pamilya na ang naapektuhan ng baha sa Upper Paatan at halos 300 naman sa Barangay Katidtuan.
