Kaduda-duda umano ang hakbangin ng Solicitor General na maabswelto ang tinaguriang pork barrel scam mastermind na si Janet Lim Napoles sa kasong serious illegal detention.
Ayon kay Senadora Leila de Lima, ibang kaso ito sa PDAF Scam ngunit nabunyag ang maanomalyang paggamit ng pork barrel ng ilang mambabatas dahil sa pagkulong ni Napoles sa pinsan niyang si Benhur luy.
Dahil dito, nais malaman ng Senadora kung may kinalaman ang Justice Department sa pagpapaabswelto kay Napoles.
Kasunod ito ng ulat ng Philippine Center for Investigative Journalism na naghain ang Office of the Solicitor General sa Court of Appeals ng isang manifestation na nagrerekomenda na mapawalang-sala si Napoles sa kasong serious illegal detention
By: Avee Devierte
