Aprubado na ng Inter-Agency Task Force (IATF) ang group activities sa fitness studios maging sa mga venue para sa non-contact exercises at sports sa mga lugar sa ilalim ng Alert level 2, gaya sa Metro Manila.
Ayon sa Palasyo, inaprubahan na rin ng IATF Ang face-to-face training at assessment programs sa ilalim ng Technical Education and Skills Development Authority (TESDA).
Pinapayagan na ang TESDA na magsagawa ng training at assessments mula 50 hanggang 100 percent capacity alinsunod sa minimum public health standards, sa mga lugar na nasa ilalim ng Alert level 4 hanggang 1.
Gayunman, bawal pa rin ang face-to-face activities, kabilang na sa TESDA, sa mga lugar sa ilalim ng Alert level 5. —sa panulat ni Drew Nacino
