Nais ng mga senador na taasan ang calamity fund ng pamahalaan para sa susunod na taon.
Ayon kay Senate Committee On Finance Chairman Sonny Angara, pinag-aaralan na nila ang posibilidad na madagdagan ang calamity fund sa 2021.
Gayundin ang paghahanap ng mapagkukunan ng karagdagang pondo kung saan kanilang ikinukunsidera ang pagrerealign o tapyasan ang budget ng ilang ahensiya at mailipat sa calamity fund.
Sa panukalang budget sa 2021 o National Expenditure Program, mayroong P20-B na calamity fund na ilalagak sa NDRRMC.
Habang may hiwalay na quick response fund ang mga Departments of Agriculture, education, health, public works and highways, social welfare and development, Office of Civil Defense at National Electrification Administration.
Una rito, nanawagan ang mga lokal na pamahalaan sa mga lugar na dinaan ng super bagyong Rolly na bigyan sila ng dagdag na pondo dahil sa nasagad na calamity fund bilang pantugon sa COVID-19 pandemic at nauna pang kalamidad.