Naitala kahapon ng Department of Health (DOH) ang pinakamababang bilang ng aktibong kaso ng COVID-19 sa Pilipinas ngayong taon.
Sa datos ng DOH, lumagpak sa 2,908 ang active cases at naitala naman ang 210 na bagong kaso ng naturang sakit.
Nakapagtala ng pinakamaraming kaso sa nakalipas na dalawang linggo ang National Capital Region (NCR) na may 894 infections, sinundan ng CALABARZON na may 283, at Central Luzon na may 247.
Sa ngayon ay pumalo na sa 3,688,132 ang kabuuang bilang ng COVID-19 infections sa bansa, na may 3,624,769 recoveries at 60,455 deaths.