Binuweltahan ni Davao City Mayor Sara Duterte ang grupong Tindig Pilipinas na tumawag sa kanyang ama na si Pangulong Rodrigo Duterte na “paranoid at insecure” kaugnay sa posibleng pagdedeklara nito ng revolutionary government.
Ayon kay Mayor Sara, lumabas agad ang tunay na kulay at intensyon ng mga grupo o indibiduwal na tumitira sa administrasyon matapos agad na tumutol sa bantang revolutionary government.
Binigyang diin pa ng anak ng Presidente na walang pinagkaiba ang destabilisasyon sa terorismo.
Giirt pa ni mayor Sara, walang rason ang Pangulong Duterte para makadama ng pagka-insecure kung ang magiging dahilan lamang ang mga survey results, si Senator Antonio Trillanes at ang Tindig Pilipinas.
Samantala, sinegundahan ito ni Presidential Communications Office o PCO Secretary Martin Andanar at sinabing nagpapakalat lamang ng kasinungalingan at maling impormasyon ang Tindig Pilipinas para sa pansariling agenda lamang.
—-
