Nagpasalamat pa rin si Senator Grace Poe kay Pangulong Benigno Aquino III kahit pa si Department of Interior and Local Government (DILG) Secretary Mar Roxas ang inendorso nito para sa Presidenti alelection sa susunod na taon.
Ayon kay Poe, nagpapasalamat siya sa Pangulo dahil ibinilang siya sa mga taong sa tingin niya ay puwedeng magpatuloy ng “Daang Matuwid”.
Sinabi ni Poe na patuloy pa rin niyang tatahakin ang daang matuwid dahil mas magiging makubuluhan ang nasabing adhikain kung marami ang susunod.
Idinagdag ni Poe na kinikilala niya ang pagnanais ni Roxas na makapagsilbi sa bayan bilang Presidente.
Aniya, kaisa siya sa hangarin na maipagpatuloy ang mga nasimulan na ni Pangulong Aquino.
Isa si Poe sa inaasahang tatakbong Pangulo sa 2016 bilang independent candidate kahit pa hindi nakuha ang endorsement ni PNoy.
By Mariboy Ysibido
