Ikinukunsidera ni Batangas Governor Vilma Santos ang pagtakbo sa pagka-kongresista sa bagong likhang distrito sa Lipa City.
Ito, ayon kay Senador Ralph Recto, ay dahil huling termino na ng kanyang misis bilang gobernador kaya’t ang tinitingnan nitong opsyon ay tumakbo sa pagka-Kongresista sa halip na hangarin ang pagka-Bise Presidente.
Kasama rin aniya sa plano ni Ate Vi ang bumalik sa private sektor o magbalik showbiz.
Sakaling tumakbo si Ate Vi sa pagka-Kongresista ay wala itong makalaban sa kanilang distrito.
Bandang huli inihayag ng Senador na anuman ang maging desisyon ng kanyang misis ay susuportahan niya ito.
By Drew Nacino
