Plano ni Sen. Richard Gordon na magtayo ng emergency oxygen-generating plant sa Philippine Red Cross.
Ayon kay Gordon, Chairman ng PRC, bukod sa pangangailangan para sa gamutan sa mga mayroong COVID-19, kailangan din ito ng mga pasyenteng may Pneumonia.
Ani Gordon, kabilang ang pneumonia sa pangunahing dahilan ng kamatayan sa buong mundo.
Ngayong pandemya umano ay marami ang nanamantala para palobohin ang presyo ng medical oxygen dahil sa mataas na demand nito.
Nabatid na ibinahagi rin ni Gordon ang kaniyang plano sa Federation of Filipino Chinese Chambers of Commerce and Industry.
