Pinag-iingat ni contact tracing czar at Baguio City mayor Benjamin Magalong ang gobyerno laban sa agarang pag-alis ng COVID-19 alert levels.
Ayon kay Magalong, may mga indibidwal na hindi sumasailalim o nandaraya sa COVID-19 test upang mag-mistulang bumababa ang cases lalo na ngayong election season.
Masyado pa anyang maaga para planuhin o ipatupad ang nasabing hakbang.
Ipinunto pa ni Magalong na dapat alalahanin ng national government na wala ng contact tracing na ginagawa kaya’t nag-mukhang maganda ang sitwasyon gayong mayroon pa rin namang mga nagkakasakit.
Nilinaw naman ng alkalde na bagaman pabor siya na alisin na ang alert level system, dapat munang hintayin ang payo ng mga eksperto.
Kasalukuyang naka-isolate si Magalong matapos mag-positibo muli sa COVID-19.
