Pabor si Senador Christopher ‘Bong’ Go na maunang maturukan ng bakuna kontra COVID-19.
Sa laging handa briefing, sinabi ni Senador Go na nakahanda siyang unang mabakunahan kung ito’y magbibigay ng kumpyansa at maiibsan ang agam-agam ng publiko hinggil sa pagpapabakuna.
Ako po willing po ako, kahit anong brand po ang importante po dito yung safety at efficacy po ng vaccine na makuha natin ang kompyansa,″ ani ni Go.
Pero paglilinaw ni Go, ito lang ay kung kinakailangan niyang gawin para maibsan kahit papaano ang agam-agam ng publiko.
Pero kung siya ang tatanungin, iginiit ni Senador Bong Go na dapat mauna ang sektor na kabilang sa priority list ng pamahalaan gaya ng mga frontline health workers maging ang mga vulnerable individuals gaya ng mga nakatatanda.
Unahin na lang po natin ang mga kababayan nating mahihirap, unahin na po natin ang mga frontliners natin, mga senior citizens po natin,sila po ang ating prayoridad at dapat po na libre ito sa mga mahihirap,″ pahayag ni Senador Bong Go.
