Lumagpas na sa 5-milyon ang kabuuang bilang ng kumpirmadong kaso ng coronavirus disease 2019 (COVID-19) sa buong mundo.
Batay sa pinakahuling datos, pumalo na sa mahigit 5.4-milyon ang kabuuang bilang ng mga nahawaan ng COVID-19 sa buong mundo kung saan mahigit 344,000 na ang nasasawi.
Nangunguna pa rin sa may pinakamataas na bilang ng nasawi dahil sa COVID-19 sa Estados Unidos na umaabot na sa mahigit 97,900.
Pumapangalawa ang United Kingdom na mayroon nang mahigit 36,900 ang bilang ng mga namatay.
Sinusundan naman ng France na mayroong mahigit 28,000 death toll at Spain na umaabot naman sa mahigit 26,000 ang nasawi dahil sa COVID-19.
