Aminado ang Philippine Olympic Committee (POC) na bumaba ang morale ng mga manlalaro ng Gilas Pilipinas makaraang matalo ito sa South Korea noong Miyerkules ng gabi.
Ayon kay POC Chairman Monico Puentevella, ito ang dahilan kaya’t nangangamba siyang hindi rin palarin ang Philippine team sa magiging laban nito sa Lebanon mamaya sa pagpapatuloy ng Fiba Asia Cup.
Paglalabanan ng Pilipinas at Lebanon ang ika-limang puwesto sa Fiba habang babagsak naman sa ika-pito ang sinumang matatalo sa nasabing laban.
Magugunitang nabuo na ang final 4 ng Fiba na kinabibilangan ng New Zealand, Iran, Korea at Australia.
