Inaabangan na ng maraming fans ang bakbakan sa pagitan ng Gilas Pilipinas at Indonesia sa Finals ng 2017 Southeast Asian o SEA games kung saan nakataya ang gold medal.
Magugunitang nakapasok sa finals ang mga Pinoy matapos gibain sa semi-finals ang Singapore kagabi sa score na 68-60.
Dahil nga sa panalo ay nabigyan ng tiyansa sa Gilas Pilipinas na maisukbit muli ang gintong medalya.
Una nang tinalo ng Gilas ang mga koponan ng Thailand, Myanmar at Malaysia.
Ang bakbakan sa pagitan ng Gilas at Indonesia ay gaganapin sa Maba Stadium sa Kuala Lumpur mamayang gabi.
By Gilbert Perdez
