Handang makipagtulungan ang bansang Germany sa mga kinauukulan sa Pilipinas para labanan ang grupong Abu Sayyaf.
Ito ay matapos na makumpirmang pinugutan na ng Abu Sayyaf ang bihag nilang German national na si Juergen Kantner.
Ayon kay German Foreign Minister Sigmar Gabriel, hindi sila titigil hanggat hindi napapanagot ang mga bandidong brutal na pumatay sa German national.
Una rito, kinondena ng pamahalaan ng Germany ang pagpatay kay Kantner na isang uri anila ng terorismo.
By Ralph Obina
