Magkasamang ipagdiriwang ng rumored couple na sina Gerald Anderson at Bea Alonzo ang Pasko sa Estados Unidos.
Batay sa Instagram Post ng singer na si Bugoy Drilon, makikita sa larawan na kasama nito sina Gerald at Bea na makakasabay niya sa flight patungong Estados Unidos.
Una nang kinumpirma ni Gerald na magkakaroon sila ng quality time ni Bea sa amerika sa isang bakasyon kasama ang ama ng aktor.
Aniya, bagamat maikli lamang ang kanilang bakasyon, tiniyak ng aktor na kanilang susulitin ito bago ang maging abala sa mga naka-line up nang mga proyekto nila sa susunod na taon.
Kabilang sa mga proyekto ng dalawa sa 2018 ay ang ilang pelikula at mga teleserye.
