Nagtungo si Philippine National Police o PNP Chief Director General Ronald ‘Bato’ Dela Rosa sa Marawi City noong Martes.
Ito, aniya ay upang palakasin ang loob ng mga miyembro ng pambansang pulisya na nakikipagbakbakan laban sa Maute group sa nasabing lungsod.
Ayon kay Dela Rosa, nais niyang personal na kumustahin at tingnan ang kondisyon ng mga pulis na sumasabak sa labanan.
Pinaalalahanan din ni Dela Rosa ang mga pulis na maging makabayan at huwag matakot na mamatay.
Kasabay nito, kanya ring pinayuhan ang mga ito na magdasal at tumawag sa kani-kanilang mga pamilya upang ipaalam ang kanilang mga kalagayan.
By Krista De Dios | With Report from Jonathan Andal
