Nanawagan si Philippine National Police o PNP Chief, Director General Ronald Dela Rosa sa mga may – ari ng baril sa bansa na bumuo ng grupo at tumulong na din kontra terorismo.
Ayon kay Dela Rosa, maaaring maging panakot sa mga teroristang tulad ng Maute – ISIS ang mga organisasyon ng mga gun owner sa isang lugar.
Habang wala pa aniya ang mga pulis at sundalo ay maaaring ang mga sibilyan muna na may lisensyadong baril ang humarap sa mga bandido.
Katunayan sa Davao City ay inorganisa na umano ni Dela Rosa ang mga nagma – may – ari ng baril kaya’t mahihirapan ang sinumang balak manggulo sa lungsod.
