Nanawagan ang isang grupo ng mga atletang Pinoy kay Pangulong Rodrigo Duterte na gawing libre ang panonood ng mga sport events ng 30th South East Asian Games (SEA Games).
Ayon kay Samahang Weightlifting ng Pilipinas President Monico Puentevella, kalahati lamang ng stadium ang napuno sa laban ng Pilipinas at Cambodia sa men’s football.
Aniya, alam niya na meron pa ring mga gustong manood na hindi kayang magbayad.
Dagdag pa nito, malaki ang budget na inilaan ng pamahalaan para sa SEA Games kaya’t bakit pa kailangang magbayad ng mga gustong manood.
Magugunitang si Puentevella ang dating chairman ng Philippine Olympic Committee at chairman ng Philippine Sports commission.
