Tumanggi si Philippine National Police (PNP) chief Archie Gamboa kung may rekomendasyon na siyang papalit sa kaniya sa puwesto.
Ito ay kapag nagretiro na si Gamboa sa September 2 o maabot ang mandatory retirement age na 56.
Gayunman sinabi ni Gamboa na makikipagusap pa siya sa Pangulong Rodrigo Duterte kung palalawigin pa ang kaniyang termino.
Si Gamboa ay miyembro ng PMA Sinagtala Class of 1986 kung saan kaklase niya ang pinalitan niyang si dating General Oscar Albayalde at Senador Ronald ‘Bato’ Dela Rosa.
Lumutang naman ang pangalan nina Joint Task Force Covid Shield commander Police Lt. General Guillermo Eleazar at NCRPO chief Police Major General Debold Sinas bilang pagpipilian na susunod na hepe ng PNP.
