Binatikos ng grupong Gabriela ang panibagong pahayag ni Pangulong Rodrigo Duterte laban sa mga miyembro ng NPA o New People’s Army.
Ito’y makaraang ihayag ng Pangulo sa kaniyang talumpati na ipababaril niya sa mga sundalo ang ari ng mga babaeng NPA na kanilang mahuhuli.
Ayon kay Gabriela Partylist Rep. Emmi de Jesus, lalo lamang aniyang lalala ang karahasan laban sa mga babae dahil sa pahayag na ito ng Pangulo.
Pinalakas din aniya ng Pangulo ang impunity dahil sa mga pahayag nito na siyang nagbibigay lisensya sa mga sundalo na gumawa ng pang-aabuso.
Kasunod nito, hindi tatantanan ng Gabriela ang mga hakbang ng pang-aalipusta sa karapatan at dignidad ng mga babae na nagmumula pa mismo sa pamahalaang dapat ay nangangalaga rito.
Ulat ni DWIZ Patrol Reporter Jill Resontoc
Posted by: Robert Eugenio
