Nagsuspinde na ng biyahe ng mga eroplano sa Lebanon dahil sa 2019 coronavirus disease (COVID-19).
Sinabi ni Prime Minister Hassan Diab na lahat ng biyahe sa Lebanon mula at patungong Italy, South Korea, Iran at China ay suspendido na.
Ititigil din ang mga biyahe mula sa France, Egypt, Syria, iraq, Germany, Spain at United Kingdom.
Papayagan pa rin namang makapasok sa Lebanon ang mga Lebanese at kanilang pamilya, diplomats at mga kinatawan ng international organizations gayundin ng UN peacekeepers.
Ang Lebanon ay nakapagtala na ng 61 kaso ng COVID-19 at dalawa naman ang naitalang nasawi dahil sa nasabing virus.
