Nilinaw ng Commission on Elections (COMELEC) na bago pa magkatapusan ng buwan ilalabas ang final list ng mga kandidato sa 2022 Elections, sa halip na ngayong araw, December 15.
Aminado si COMELEC Spokesman James Jimenez na ang hindi pa nareresolbang nuisance cases ang rason sa pagtatakda ng bagong petsa ng paglalabas ng listahan.
Ayon kay Jimenez, aabutin ng dalawa pang linggo ang proseso ng pagsasapinal ng listahan ng mga kandidato.
Kahapon ay natapos na ng poll body ang raffle sa pagkakasunod-sunod ng 166 na party-list groups sa balota.
Bukod pa ito sa pag-atras nina Pangulong Rodrigo Duterte at Senator Christopher “Bong” Go ng kani-kanilang kandidatura sa pagka-senador at presidente 2022 Polls.
Tikom naman si Jimenez sa issue kung may epekto ba ang pag-atras nina Duterte at Go sa paglabas ng final list ng mga kandidato.
