Nagbabala sa publiko ang Food and Drug Administration (FDA) kaugnay sa ilang hindi rehistradong pagkain at food supplement.
Ayon sa FDA, hindi tiyak kung ligtas kainin o ikonsumo ang mga produktong hindi dumaas sa kanilang evaluation process gaya ng mga sumusunod.
– Reno Brand Liver Spread
– Miracle White Advance Whitening Capsules Food Supplement
– Turcumin 100% Natural & Standardized Turmeric Curcumin
– Desa Spanish Style Bangus In Corn Oil
– Samantha’s Dips And Sauce Spanish Sardines Paste Sauce
Sa pamamagitan umano ng online monitoring o post-marketing surveillance nadiskubre na ang naturang mga produkto ay walang certificate of product registration.
Hinihikayat naman ang publiko na isumbong ang mga nagbebenta ng mga hindi rehistradong produkto sa pamamagitan ng Ereport sa www.fda. gov.ph/ereport.
