Suportado ng Food and Drug Administration(FDA) ang paggamit ng Marijuana o Cannabis bilang gamot.
Kinumpirma ito ni FDA Director General Samuel Zacate kaugnay sa panukalang gawing legal ang paggamit ng medical cannabis sa bansa.
Ayon kay Dir. Gen. Zacate, ang paggamit ng marijuana para sa medisina ay isang inobasyon subalit hindi dapat ito maabuso.
Binigyang diin naman ni House Committee on Dangerous Drug Chairman at Surigao Del Norte 2nd District Representative Robert Ace Barbers, na eksklusibo lamang ang paggamit ng cannabis o marijuana para sa medisina at mananatili pa rin ito sa listahan ng iligal na droga.
Matatandaang, inaprubahan ng House Committee on Dangerous Drugs at House Committee on Health ang panukalang batas para payagan ang paggamit ng cannabis o marijuana bilang gamot sa mga may malalang karamdaman.
