Umabot na sa Europa ang OTWOL fever.
Ito ay dahil sabik na nakaabang na ang JaDine fans doon sa nakatakdang concert ng real life loveteam na sina James Reid at Nadine Lustre sa London at Milan.
Excited na ang mga tinaguriang ‘Otwolistas’ na makita ang isa sa pinaka-kikiligang loveteam ngayon.
Anila, bukod sa kilig marami din silang napulot na aral sa kuwento nila Lea at Clark sa On the Wings of Love.
Samantala, humihirit na din ang ilang ‘Otwolista’ sa Paris France na mabisita din sila ng JaDine.
Ang Europe concert ng dalawa ay bahagi ng kanilang “JadINe in LOVE World Tour” kung saan bibisita sila sa Doha (March 18), Dubai (March 19), London (March 26) at Milan (March 27).
Photo Credit: abs-cbn
